គួរតែអាន! អ្នកមិនគួរមើលរំលងរឿងរ៉ាវសំខាន់ៗដែលទាំងទងនឹងការសង្គ្រោះបឋមមួយចំនួននេះឡើយ

November 20, 2017

•

សុខភាព

អត្ថបទខាងក្រោមនឹងបង្ហាញឲ្យអ្នកដឹងពីកំហុសមួយចំនួនក្នុងការសង្គ្រោះបឋម ប៉ុន្តែក៏បង្ហាញឲ្យដឹងផងដែរអំពីរបៀបឬវិធីសាមញ្ញត្រឹមត្រូវមួយចំនួនដែលអ្នកអាចយកវាមកអនុវត្ត ដើម្បីសង្គ្រោះជីវិតនរណាម្នាក់បាន៖

១. ព្យាយាមធ្វើឲ្យខ្លួនឯងបែកញើស នៅពេលអ្នកគ្រុនក្ដៅ គឺជាគំនិតអាក្រក់មួយ

នៅពេលដែលអ្នកឈឺ ហើយមានអារម្មណ៍ថាក្ដៅឬចំហាយក្ដៅស្របពេលដែលអ្នកកំពុងត្រជាក់ឡើងញ័រក្នុងពេលតែមួយនោះ វាចង្អុលបង្ហាញឲ្យដឹងថាសីតុណ្ហភាពរាងកាយរបស់អ្នក គឺកំពុងតែឡើងខ្ពស់ហើយ។ នៅពេលដែលយើងយកអ្វីមួយមកដណ្ដប់ ដើម្បីទទួលបានភាពកក់ក្ដៅនោះ សីតុណ្ហភាពនឹងកាន់តែកើនឡើងយ៉ាងឆាប់រហ័ស។ បើទោះជាកំដៅអាចជួយយើងប្រយុទ្ធប្រឆាំងនឹងការឆ្លងមេរោគក៏ដោយ ក៏សីតុណ្ហភាពរាងកាយមួយដែលកើនដល់ ៣៨ អង្សារសេ អាចធ្វើឲ្យមានគ្រោះថ្នាក់ជាងផ្ដល់ផលល្អ។ ប្រសិនបើសីតុណ្ហភាពរាងកាយរបស់អ្នកកំពុងតែខ្ពស់ រួមជាមួយនឹងអាការៈញ័រញាក់ថែមទៀតនោះ អ្វីដែលអ្នកត្រូវការ គឺភាពកាន់តែត្រជាក់ជាជាងភាពកក់ក្ដៅ។

២. កុំព្យាយាមដាក់អ្វីក្នុងមាត់មនុស្សដែលជម្ងឺឆ្កួតជ្រូក

អ្នកអាចធ្វើឲ្យធ្មេញរបស់នរណាម្នាក់បាក់បាន ប្រសិនបើអ្នកយកអ្វីមួយរឹងទៅដាក់ក្នុងមាត់របស់ពួកគេ។ ខណៈពេលកំពុងប្រកាច់ មនុស្សដែលមានជម្ងឺឆ្កួតជ្រូកមិនអាចខាំអណ្ដាតរបស់ខ្លួនឯងបានទេ ព្រោះអំឡុងពេលនេះរាងកាយ គឺកំពុងតែរឹង ដោយសារការទទួលរងនូវកម្លាំងទាញបង្ខំខ្លាំង។ ពួកគេអាចនឹងខាំបានបន្តិចបន្តួច ប៉ុន្តែនេះមិនបង្កជាគ្រោះថ្នាក់ប៉ះពាល់ណាមួយឡើយ។ អ្វីដែលប្រសើរបំផុតដែលអ្នកអាចធ្វើបានដើម្បីជួយនោះ គឺយកអ្វីដែលមានសភាពទន់ៗមកដាក់នៅក្រោមក្បាលរបស់អ្នកជម្ងឺ ការធ្វើបែបនេះអាចជួយកុំឲ្យទទួលរងផលប៉ះទង្គិចមិនល្អណាមួយចំពោះខួរក្បាល។ នៅពេលសាច់ដុំឈប់កន្ត្រាក់ អ្នកត្រូវបង្វែរខ្លួនអ្នកជម្ងឺទៅម្ខាង។

៣. កុំលាបគ្រីមលើស្បែកដែលរលាកភ្លាមៗ

នៅពេលដែលស្បែកទទួលរងការរលាក វានឹងធ្វើឲ្យមានកម្ដៅកើនច្រើនលើសលប់ចូលជ្រៅទៅក្នុងជាលិការាងកាយ។ ជម្រើសល្អបំផុតដែលអ្នកត្រូវធ្វើអំឡុងពេលជួបប្រទះស្ថានភាពបែបនេះនោះ គឺដាក់កន្លែងដែលរលាកចូលទៅក្នុងទឹកត្រជាក់សម្រាប់រយៈពេល ១៥ នាទី។ វិធីនេះនឹងជួយកាត់បន្ថយ ក៏ដូចជាបំបាត់កម្ដៅដែលលើស។ អ្នកមិនត្រូវយកអ្វីមកត្រដុសត្រង់ស្បែកដែលរងផលប៉ះពាល់ភ្លាមឡើយ ព្រោះការធ្វើបែបនេះហាក់ដូចជាឃាត់កម្ដៅឲ្យនៅ។ ទោះជាយ៉ាងណា អ្នកអាចយកអ្វីមកត្រដុសលើស្បែកបាននៅរយៈពេល ២០ នាទីក្រោយ ឬច្រើនជាងនេះ។

៤. កុំព្យាយាមទាញឬអូសនរណាម្នាក់ដែលកំពុងរងរបួសនៅតាមកន្លែងណាមួយ ដោយគ្មានវត្តមានគ្រូពេទ្យនៅទីនោះ

ប្រសិនជាមានគ្រោះថ្នាក់ណាមួយកើតឡើងនៅតាមផ្លូវ កុំព្យាយាមទាញឬធ្វើឲ្យមនុស្សដែលកំពុងរងរបួសកម្រើក ជាពិសេសនោះ គឺកុំព្យាយាមទាញជនរងគ្រោះចេញពីរថយន្តដោយខ្លួនអ្នកផ្ទាល់។ ការធ្វើបែបនេះមានតែធ្វើឲ្យស្ថានភាពកាន់តែអាក្រក់ឡើងតែប៉ុណ្ណោះ។ ទោះជាយ៉ាងបម្រាមនេះអាចត្រូវបំពាន ក្នុងករណីមានស្ថានភាពធ្ងន់ធ្ងរចាំបាច់ខ្លាំងបំផុតណាមួយឧទាហរណ៍ដូចជារថយន្តបានឆេះ ។ នេះជាអ្វីដែលអ្នកត្រូវធ្វើជំនួស ៖ ដំបូងទាក់ទងខលហៅរថយន្តសង្គ្រោះបន្ទាន់ ប្រសិនបើអ្នកអាចត្រូវពន្លត់ម៉ាស៊ីនរថយន្តផង​​​ បន្ទាប់មកកាត់ផ្ដាច់ថាមពលដែលភ្ជាប់ទៅនឹងអាគុយ។ ព្យាយាមជួយឃាត់ឈាមជនរងគ្រោះ និងលួងលោមយ៉ាងណាឲ្យជនរងគ្រោះស្ងប់អារម្មណ៍។

៥. ប្រសិនជានរណាម្នាក់កំពុងឈ្លក់ ឬស្លាក់ កុំទះថើរៗឬគោះខ្នងរបស់ពួកគេ

ប្រសិនបើអ្នកទះខ្នងអ្នកដែលកំពុងតែស្លាក់នោះ វានឹងធ្វើឲ្យអ្វីដែលពួកគេកំពុងតែស្លាក់ធ្លាក់ឆ្លងដល់បំពង់ខ្យល់។ អ្វីដែលអ្នកគួរធ្វើនោះ គឺជួយអ្នកដែលស្លាក់ឲ្យទ្រោបខ្លួន ត្រូវប្រាកដថាពួកគេស្ងប់អារម្មណ៍មិនស្លន់ស្លោ ហើយអ្នកត្រូវប្រាប់ពួកគេឲ្យដកដង្ហើមចេញចូលយឺតៗបំផុតចំនួន ២ ដង។ វិធីនេះនឹងជួយសម្រួលបន្ធូរដល់ការស្លាក់ ហើយធ្វើឲ្យអ្វីដែលនៅរាំងស្ទះផ្លូវដង្ហើមត្រូវជ្រុះចេញ។

៦. កុំព្យាយាមទាញអណ្ដាតនរណាម្នាក់ដែលដួលសន្លប់ចេញមកក្រៅ

វាជាប្រការដ៏មានគ្រោះថ្នាក់បំផុតសម្រាប់អ្នកដែលសន្លប់ ប្រសិនបើពួកគេសន្លប់ផ្ងារមុខ ខណៈដែលអណ្ដាតរបស់ពួកគេធ្លាក់ចុះនិងបិទបាំងផ្លូវដង្ហើម។ ដើម្បីប្រាកដថាស្ថានភាពបែបនេះមិនកើតឡើង វាគ្រប់គ្រាន់ហើយដោយគ្រាន់តែអ្នកបង្វែរជនរងគ្រោះឲ្យផ្អៀងទៅម្ខាង ត្រូវបង្វែរក្បាលរបស់ពួកគេក៏បាន។ អ្នកមិនគួរព្យាយាមទាញអណ្ដាតរបស់ពួកគេចេញពីមាត់ឡើយ។

៧. កុំប្រើប្រដាប់​ចង​ទប់​ឈាមលើរបួស ប្រសិនបើមិនមានការហូរឈាមចេញពីសសៃឈាមក្រហម

ការហូរឈាមតាមសសៃឈាមក្រហម គឺងាយស្រួលសម្គាល់ននិងមើលឃើញណាស់ ប៉ុន្តែមិនមានតាមពណ៌នៃឈាមដូចដែលអ្នកធ្លាប់បានដឹងពេលរៀននៅសាលានោះទេ។ នៅក្នុងសសៃឈាមក្រហម ឈាម គឺបូមក្នុងល្បឿនលឿនខ្ពស់ក្រោមសម្ពាធ ដូច្នេះប្រសិនបើវាធ្លាយចេញមកក្រៅតាមរបួសនោះវាមិនមែនហូរទេ វានឹងបាញ់ឡើង។ ក្នុងករណីនេះ អ្នកត្រូវសង្កត់សសៃឈាមក្រហមនៅនឹងក្រលៀននិងក្រោមក្លៀកភ្លាម ហើយទាញអវយវៈឲ្យជិតដងខ្លួន ប្រើប្រាស់ប្រដាប់​ចង​ទប់​ឈាមឬខ្សែក្រវ៉ាត់រុំជុំវិញសម្លៀកបំពាក់។ ប្រសិនបើវាជាការហូរឈាមនៃសសៃឈាមខ្មៅ បង់សម្រាប់រុំរបួសគួរតែត្រូវបានប្រើ ប៉ុន្តែមិនត្រូវប្រើប្រដាប់​ចង​ទប់​ឈាមឡើយ ព្រោះវាអាចធ្វើឲ្យឈាមនៃអវយវៈហួតអស់តាមរបៀបមួយដែលមិនអាចត្រឡប់មកវិញបាន។

៨. កុំត្រដុសជាលិកាផ្នែកណាមួយនៅលើរាងកាយដែលងាប់ដោយសារភាពត្រជាក់

នៅពេលដែលយើងដុសឬត្រដុសចុងដៃចុងជើងដែលកកដោយសារភាពត្រជាក់នោះ វាដូចនឹងការបំផ្លាញសសៃឈាមឆ្មារៗរបស់យើងអ៊ីចឹង។ មិនត្រឹមតែប៉ុណ្ណឹងទេ វានឹងធ្វើឲ្យស្ថានភាពកាន់តែអាក្រក់ជាងមុនឡើងថែមទៀត។ ទឹកក្ដៅ គឺជាវិធីដ៏ល្អប្រសើរមួយដើម្បីជួយក្នុងករណីនេះ។ ប្រសិនបើអ្នកមានស្បែកម្រាមដៃជើងងាប់ដោយសារតែភាពត្រជាក់នោះ អ្នកគួរតែសាកល្បងកម្ដៅផ្នែកនៃរាងកាយដែលរងផលប៉ះពាល់យឺត ដាក់ដៃរបស់អ្នកចូលក្នុងទឹកត្រជាក់វានឹងបង្កើតសីតុណ្ហភាពបន្តិចម្ដងៗ។

៩. ចេះវាយតម្លៃកម្លាំងរបស់អ្នក ព្រមទាំងគិតដោយសមហេតុផលនិងហ្មត់ចត់ មុនពេលអ្នកព្យាយាមជួយអ្នកដទៃ

ក្នុងករណីមានអាសន្នបន្ទាន់ណាមួយ អ្នកគួរតែគិតពិចារណាជាមុនសិនថាតើសកម្មភាពណាខ្លះដែលអាចនឹងធ្វើឲ្យអ្នកមានគ្រោះថ្នាក់ ហើយអ្នកគួរតែជួយសង្គ្រោះគេនៅពេលណាដែលអ្នកប្រាកដថាអ្នកនឹងមិនធ្វើឲ្យខ្លួនឯងមានគ្រោះថ្នាក់នៅពេលធ្វើដូច្នេះ។ ឧទាហរណ៍ដូចជា ប្រសិនបើអ្នកប៉ះពាល់មនុស្សម្នាក់ដែលកំពុងឆក់ខ្សែភ្លើង នោះវានឹងអាចក្លាយជាមានជនរងគ្រោះពីរនាក់ជំនួសឲ្យម្នាក់ជាក់ជាមិនខាន។ ក្នុងករណីរនេះ អ្នកត្រូវបិទប្រភពចរន្តអគ្គិសនីជាមុនសិន ឬក៏ប្រើឧបករណ៍ធ្វើពីឈើណាមួយ ដើម្បីញែកជនរងគ្រោះចេញពីប្រភពឆ្លងចរន្ត៕

អានពេញ

ទូរសព្ទ​បត់​ ​SAMSUNG W2018​ ​ត្រៀម​លេច​មុខ​នៅ​ប្រទេស​ចិន

November 20, 2017

•

បច្ចេកវិទ្យា និង វិទ្យាសាស្ត្រ

អែក​តាម​ព័ត៌មាន​ខ្លះ​ៗ​ស្រង់​ចេញ​ពី​គណនី​ ​@MMDJ​ ​លើ​បណ្ដាញ​សង្គម​ ​Twitter​ ​បាន​បង្ហាញ​ថា​ក្រុមហ៊ុន​ ​SAMSUNG​ ​នឹង​ប្រកាស​នូវ​ស្មាតហ្វូន​បត់​បាន​ ​ម៉ូដែល​ ​W2018​ ​ក្នុង​ទីក្រុង​ ​Xiamen​ ​ថ្ងៃ​ទី ១ ខែ​ធ្នូ​ខាង​មុខ​នេះ។

វា​នឹង​ប្រែ​ក្លាយ​ជា​ស្មាតហ្វូន​បត់​ ​កម្លាំង​ម៉ាស៊ីន​កប់​ប្រចាំ​ឆ្នាំ​ ​២០១៧​ ​ដោយ​មាន​ការ​លេចឮ​នឹង​បំពាក់​មុខងារ​ ​Iris Scanner​ ​ព្រម​ប្រព័ន្ធ​ស្កេន​ខ្ចៅ​ដៃ​ ​មាន​ឈីប​ ​Snapdragon 835​ ​បូក​ផ្សំ​ ​RAM ៦GB​ ​និង​អង្គ​ផ្ទុក​ទិន្នន័យ​ ​១២៨GB។ ដំណើរការ​លើ​ ​Android Nougat​ ​ចេញ​ពី​ប្រអប់​ស្រាប់​ ​មាន​អេក្រង់​មិន​ធំ​ពេក​ត្រឹម​ ​៤.២ អ៊ីញ​ ​កម្រិត​​ FullHD​ ​ដោយ​មាន​កាមេរ៉ា​ក្រោយ​ទំហំ​ ​១២MP Aperture F១/៥​ ​និង​កាមេរ៉ា​មុខ​ ​៥MP​ ​ហើយ​ថាមពល​ថ្ម​ទំហំ ២,៣០០mAh។

ចំពោះ​មុខងារ​ពិសេស​បន្ថែម​ ​រួម​មាន​ AI, Bixby ដោយ​ជំនួយ​ពី​ប៊ូតុង​ចំហៀង​ ​មិន​ចាញ់​ ​Galaxy S8 គ្រាន់​តម្លៃ​ផ្លូវការ​មិន​ទាន់​បញ្ជាក់​ប្រាប់​នៅ​ឡើយ៕

អានពេញ

iPhone X​ ​ជាប់​ក្នុង​តារាង​ ​ផលិតផល​បង្កើត​ថ្មី​ល្អ​បំផុត​ប្រចាំ​ឆ្នាំ ២០១៧

November 20, 2017

•

បច្ចេកវិទ្យា និង វិទ្យាសាស្ត្រ

ផ្អែក​តាម​ទស្សនាវដ្ដី​ ​TIME​ ​បាន​វាយ​តម្លៃ​ឲ្យ​ ​iPhone X​ ​ជាប់​ជា​វត្ថុ​ ​និង​ឧបករណ៍​ដែល​ជា​ការ​បង្កើត​ថ្មី​ដ៏​ល្អ​បំផុត​ទាំង​ ​២៥​ ​ប្រចាំ​ឆ្នាំ​ ​២០១៧​ ​នេះ។

គិត​ចាប់​តាំង​ពី​ឆ្នាំ​ ​២០០៧​ ​មក​ទល់​បច្ចុប្បន្ន​ ​Apple​ ​ទើប​តែ​បាន​ដក​ប៊ូតុង​ ​Home​ ​ចេញ​ពី​ ​iPhone X​ ​ដែល​បន្សំ​ការ​រចនា​តួ​ខ្លួន​ថ្មី​ ​និង​បំពាក់​មុខងារ​ពិសេសៗ​មួយ​ចំនួន​ដូច​ជា​ ​Face ID​ ​និង​ ​Wireless Charging។

ផ្អែក​តាម​មតិ​ពី​មហាជន​ភាគ​ច្រើន​ ​បាន​ផ្ដល់​នូវ​មតិ​ល្អ​ច្រើន​ចំពោះ​ ​iPhone​ ​តម្លៃ​ខ្ទង់​ ​១ ពាន់​ដុល្លារ​មួយ​នេះ​ ​ស្រប​ពេល​មតិ​អវិជ្ជមាន​ស្ថិត​ក្នុង​ទំហំ​តួ​លេខ​តិច​នៅ​ឡើយ​ ​ចាប់​តាំង​ពី​ថ្ងៃ​បង្ហាញ​ខ្លួន​របស់​វា។ រំឭក​ថា​ក្រៅ​ពី​នោះ​ ​ឧបករណ៍​ដែល​ជាប់​ក្នុង​ ​Best 25 Invention of 2017​ ​មាន​ដូច​ជា​រថយន្ត​ ​Tesla Model 3, Drone ម៉ូដែល DJI Spark, ម៉ាស៊ីន​ហ្គេម Nintendo Switch និង​ឧបករណ៍​កម្សាន្ត Fidget Spinner​ ​ជា​ដើម៕

អានពេញ

ធ្លាប់​តែ​ឃើញ​ ​Tesla​ ​ផលិត​រថយន្ត​ ​ឥឡូវ​មាន​លក់​ទាំង​ ​Power Bank​ ​ថែម​ទៀត

November 20, 2017

•

បច្ចេកវិទ្យា និង វិទ្យាសាស្ត្រ

ក្រុមហ៊ុន​ ​Tesla​ ​ដែល​ត្រូវ​បាន​គេ​ទទួល​ស្គាល់​ជា​អ្នក​ជំនាញ​ផលិត​រថយន្ត​អគ្គិសនី​ឈាន​មុខ​ ​ហើយ​មាន​មូលដ្ឋាន​ធំ​ក្នុង​សហរដ្ឋអាមេរិក​ ​ស្រប​ពេល​ថ្មីៗ​នេះ​ ​មាន​ការ​ចេញ​លក់​នូវ​ ​Powerbank​ ​សម្រាប់​ស្មាតហ្វូន​ផង​ដែរ។

Powerbank​ ​របស់​ ​Tesla​ ​អាច​ប្រើប្រាស់​បាន​ជាមួយ​នឹង​ ​iPhone និង Android​ ​ដែល​ប្រើប្រាស់​រន្ធ​ចម្លង​ទិន្នន័យ​ប្រភេទ​ខ្សែ​ ​Lightning​ ​និង​ ​micro USB​ ​ដោយ​មាន​ខ្សែ​ភ្ជាប់​ចេញ​មក​ស្រាប់។

ដោយឡែក Powerbank របស់​ក្រុមហ៊ុន​អាមេរិក​មួយ​នេះ មាន​វិមាត្រ​ខ្លួន ១០៨ x ៣០,៥ x ២៣,៣ ម.ម​ ​រចនា​តួ​ខ្លួន​រាង​តូច​ងាយស្រួល​ទុកដាក់​ ​ជាមួយ​សមត្ថភាព​ថ្ម​ផ្ទុក​ទំហំ​ ​៣ ៣៥០mAh​ ​មាន​តម្លៃ​ប្រមាណ​ ​៤៥ ដុល្លារ​ ​(បរទេស)៕

អានពេញ

ប្រទេសមានច្បាប់ គ្រួសារមានវិន័យ ថ្មីៗនេះបុរសម្នាក់ មិនព្រមគោរពភ្លេងជាតិ នៅក្នុងរោងកុន កំពុងប្រឈមទោសធ្ងន់...

November 20, 2017

•

ជីវិត និងសង្គម

បុរស​ជន​ជាតិ​ហ្វីលីពីន​ម្នាក់​ឈ្មោះ Bayle Einstein Gonzales អាយុ ២០​ឆ្នាំ កំពុង​ប្រឈម​នឹង​ការ​​ជាប់​ពន្ធ​ធនាគារ​ រហូត​ដល់​ទៅ ១​ឆ្នាំ​ ដោយ​សារ​មិន​ព្រម​ក្រោក​ឈរ​គោរព​ភ្លេង​ជាតិ នៅ​ក្នុង​រោង​កុន​មួយ​អំឡុង​ពេល​ចាក់​បញ្ចាំង​រឿង Justice League កាល​ពី​ចុង​សប្ដាហ៍​មុន។

បុរស​រូប​នេះ​ត្រូវ​បាន​ចាប់​ខ្លួន​ កាល​ពី​ម្សិល​មិញ នៅ​ក្នុង​ខេត្ត Pampanga។ ជា​ទូ​ទៅ បទ​ភ្លេង​ជាតិ​ហ្វីលីពីន Lupang Hinirang (ដែន​ដី​នៃ​ពេល​ព្រឹក) ត្រូវ​បាន​ចាក់​មុន​ការ​បញ្ចាំង​កុន​ចុង​ក្រោយ​ប្រចាំ​ថ្ងៃ។ ក្រម​ព្រហ្ម​ទណ្ឌ​នៃ​ប្រទេស​ហ្វីលីពីន​ បាន​ចេញ​ច្បាប់​ដាក់​ទណ្ឌ​កម្ម​ ចំពោះ​អ្នក​ដែល​មិន​គោរព​ទង់ជាតិ​និង​ភ្លេង​ជាតិ ដែល​ត្រូវ​បាន​អនុម័ត​ដោយ​សភា​តំណាង​រាស្ត្រ​កាល​ពី​ខែ​កក្កដា។

តាម​ពិត​វា​កម្រ​នឹង​មាន​អ្នក​ដែល​ត្រូវ​បាន​ផាក​ពិន័យ​ដោយ​សារ​ច្បាប់​នេះ​ណាស់ ប៉ុន្តែ​លោក Gonzales ពិត​ជា​សំណាង​អាក្រក់​ដោយ​សារ​តែ​លោក Elmer Cato ដែល​ជា​អ្នក​ការ​ទូត​របស់​ប្រទេស​ហ្វីលីពីន បាន​អង្គុយ​ពី​ក្រោយ​ខ្លួន នៅក្នុង​រោង​កុន​ជាមួយ​គ្នា។

លោក Cato បាន​សរសេរ​សារ​នៅ​លើ​បណ្ដាញ​សង្គម​ហ្វេសប៊ុក​ថា "ខ្ញុំ​មិន​ដែល​មាន​កំហឹង​បែប​នេះ​ទេ​ពី​មុន​មក ប៉ុន្តែ​ខ្ញុំ​មិន​អាច​ទ្រាំ​ជាមួយ​នឹង​បុរស​ម្នាក់ នៅ​ពី​មុខ​ខ្ញុំ ដែល​មិន​ព្រម​ងើប​ឈរ​គោរព​ភ្លេង​ជាតិ នៅ​ពេល​ដែល​អ្នក​គ្រប់​គ្នា​ក្រោក​ឈរ​ទាំង​អស់ សូម្បី​តែ​បង​ថ្លៃ​ខ្ញុំ​និង​ជន​បរទេស​ផ្សេង​ទៀត​ក៏​ក្រោក​ឈរ​ដែរ ពេល​កំពុង​មើល​រឿង Justice League។"

ជាមួយ​គ្នា​នេះ លោក Cato បាន​ប្រាប់​ប៉ូលិស​ថា លោក​បាន​ប្រាប់​លោក Gonzales ឲ្យ​ក្រោក​ឈរ​ពីរ​ដង​ដែរ ប៉ុន្តែ​រូបគេ​នៅ​តែ​បដិសេធ​និង​បន្ត​ញ៉ាំ​ពោត​លីង​ធ្វើ​មិន​ដឹង។ ​អ្នក​ការ​ទូត​រូប​នេះ បាន​ព្យាយាម​ទប់​កំហឹង​អស់​រយៈ​ពេល​ពីរ​ម៉ោង​ជាង មុន​ពេល​ដែល​គេ​ទៅ​ប្រាប់​ប៉ូលិស​ឲ្យ​ចាប់​ខ្លួន លោក Gonzales។

យ៉ាងណាមិញ លោក Gonzales បាន​ច្រាន​ចោល​ការ​ចោទ​ប្រកាន់​របស់​លោក Cato។ ប៉ុន្តែ​ប្រសិន​បើ​លោក Gonzales ត្រូវ​គេ​រក​ឃើញ​ថា​ មិន​គោរព​ភ្លេង​ជាតិ​មែន​នោះ លោក​អាច​នឹង​ត្រូវ​ផាក​ពិន័យ​ពី ១០០ ដល់ ៤០០ដុល្លារ និង​អាច​ជាប់​ពន្ធ​ធនាគារ​រយៈពេល ១ឆ្នាំ​ទៀត​ផង៕

អានពេញ

​កុំ​ខានឲ្យ​សោះ​ស្អែកនេះកម្ម​វ​ធី​ "Think Event Business" ដើម្បី​​​​​រក​ដៃ​គូ​​អាជីវកម្ម​រវាង​​​ថៃ​-​​​កម្ពុជា

November 20, 2017

•

ជីវិត និងសង្គម

ព្រឹត្តិការណ៍​ពាណិជ្ជកម្ម​នេះ​នឹង​ប្រព្រឹត្ត​ឡើង នៅ​ថ្ងៃ​ទី​២១ វិច្ឆិកា ២០១៧ ខាង​មុខ​នេះ ចាប់​ពី​ម៉ោង ១​និង ៣០​នាទី​រសៀល​រហូតដល់​ម៉ោង ៥​ល្ងាច នៅ​បន្ទប់​ប្រជុំ Ball Room នៃ​សណ្ឋាគារ សូហ្វីតែ​ល ភ្នំពេញ​។​

“​កម្មវិធី​ចាប់​ដៃគូ​ពាណិជ្ជកម្ម​ផ្នែក​រៀបចំ​ព្រឹត្តិការណ៍​រវាង​ពាណិជ្ជករ​កម្ពុជា និង​ថៃ ២០១៧” នឹង​លេចឡើង​ដំបូងបង្អស់​នៅ​កម្ពុជា​ថ្ងៃ​ស្អែក​នេះ​ ក្រោម​ការ​រៀបចំឡើង​ដោយ​ស្ថាន​ទូតថៃប្រចាំ​នៅកម្ពុជា​ ​ក្នុង​គោល​បំណង​ដើម្បី​បង្កើត​ជំនួប និង​ឱកាស​ពាណិជ្ជកម្ម​​រវាង​ក្រុមហ៊ុន​ពិធីការ​ថៃ និង​ពាណិជ្ជករ ឬ​អតិថិជន​ដែល​អាច​ជា​ដៃគូ​ពាណិជ្ជកម្ម​នៅ​កម្ពុជា​។

​«​យើង​ជឿ​ជាក់​ថា​វិស័យ​រៀប​ចំ​កម្មវិធី​​ព្រឹត្តិការណ៍​ពាណិជ្ជកម្ម នឹង​រីកចម្រើន​ខ្លាំង​នៅ​កម្ពុជា​ស្របគ្នា​នឹង​ការ​រីក​ចម្រើន​​នៃ​សេដ្ឋកិច្ច​បច្ចុប្បន្ន ។ ក្រុមហ៊ុន​ណា​ក៏​ត្រូវ​ការ​ធ្វើ​ទីផ្សារ ​ដើម្បី​ផ្សព្វផ្សាយ​ពី​ផលិតផល និង សេវា​របស់​ខ្លួន តាមរយៈ​កម្មវិធី​ពិសេស​ផ្សេង​ដូចជា​ ពិព័រណ៍ពាណិជ្ជកម្ម ពិព័រណ៍​ផលិតផល និង ប្រូម៉ូសិន​ជាដើម​»​។ នេះ​បើ​តាម​ការ​ឲ្យ​ដឹង​ពី​លោក Jirawuth Suwanna-arj មន្ត្រី​ទទួល​បន្ទុក​ផ្នែក​ពាណិជ្ជកម្ម​នៃ​ស្ថានទូត​ថៃ​ប្រចាំ​នៅ​កម្ពុជា​។​

​«​កម្មវិធី​នេះ​នឹង​មាន​ក្រុមហ៊ុន​ថៃ​ចំ​នួន ១២ ដែល​មាន​ឈ្មោះ និង​ប្រវត្តិ​ល្អ​នៅ​ប្រទេស​ថៃ​ចូលរួម​ដើម្បី​បង្ហាញ​ពី​អាជីវកម្ម​របស់​ខ្លួន​ដើម្បី​ស្វែង​រក​ដៃគូ​សហការ​ពាណិជ្ជ​កម្ម​នៅ​កម្ពុជា »​។​

​«​ក្រុមហ៊ុន​ថៃ​ទាំង​នោះ​មាន​អតិថិ​ជន​ជា​ជន​ជាតិ​ថៃ ហើយ​ពួកគេ​ក៏​ចង់​ធ្វើ​ទីផ្សារ ឬ ព្រឹត្តិការណ៍​ពាណិជ្ជកម្ម​ផ្សេងៗ​នៅ​កម្ពុជា​ដែរ ​ដូចជា ការ​ប្រគំតន្ត្រី ការ​ប្រកួត​កីឡា​លក្ខណៈ​មិត្តភាព សន្និសីទ​កាសែត សិក្ខាសាលា ទស្សនកិច្ច​ពិសេស និង​ពិព័រណ៍​ពាណិជ្ជកម្ម​ជាដើម ។ ដើម្បី​សម្រេច​បាន​កិច្ចការ​ងារ​នេះ​ប្រកបដោយ​ជោគជ័យ ពួក​គេ​ត្រូវ​តែ​ស្វែង​រក​ដៃ​គូរ​សហការ​នៅ​កម្ពុ​ជា​ជា​ដើម្បី​រៀបចំ​កម្មវិធី​បែប​នេះ »​។​

​«​ព្រឹត្តិការណ៍​ពាណិជ្ជកម្ម​នេះ​ពិតជា​មាន​អត្ថប្រយោជន៍​ខ្លាំង​ណាស់​សម្រាប់​ការ​ផ្សារ​ភ្ជាប់​ទំនាក់​ទំនង ពាណិជ្ជកម្ម​​ និង​ចាប់​យក​ឱកាស​អាជីវកម្ម ឬ​ស្វែង​រក​ដៃគូ​សហការ​ពី​ក្រុមហ៊ុន​នៅ​ប្រទេស​ថៃ ។ ដូច្នេះ​​ក្រុមហ៊ុន​ពិធីការ​ទាំង​អស់​នៅ​កម្ពុជា ក៏ដូចជា​ម្ចាស់​អាជីវកម្ម​ផ្នែក​ផ្សព្វផ្សាយ ដែល​មាន​ដូចជា ទូរទស្សន៍ ការ​សែត Website Online Billboards ម្ចាស់​ទីតាំង​កន្លែង​តាំង​ពិព័រណ៍ អ្នក​នាំចូល​ផលិត​ផល​ថៃ ក្រុមហ៊ុន​ធំ​ៗ​នៅ​កម្ពុជា​ទាំងអស់​គួរតែ​ចូលរួម​កុំឲ្យ​​ខាន​» ។

​សង្ខេប​កម្មវិធី ៖​

• ​ទីតាំង ៖ Ballroom Sofitel Phokeethra, Phnom Penh​
• កាល​បរិច្ឆេទ ៖ ថ្ងៃ​អង្គារ វិច្ឆិកា ២០១៧​
• ម៉ោង ៖ ចាប់​ពី ១៖៣០ ដល់ ម៉ោង ៥​ល្ងាច៕
  
  

អានពេញ

សំណង់ទាំង១០នេះ កម្ពុជាមិនចាញ់ប្រទេសជឿនលឿននោះទេ

November 20, 2017

•

បច្ចេកវិទ្យា និង វិទ្យាសាស្ត្រ

១. ផ្លូវ​ដែក​ពី​កម្ពុជា​អាច​ឆ្លង​កាត់​២៧​ប្រទេស

ឆាប់ៗ ​ខាង​មុខ​នេះ​កម្ពុជា​នឹង​មាន​ផ្លូវ​ដែក​តភ្ជាប់​ទៅ​កាន់ ២៧​ប្រទេស ​ហើយ​ប្រជាពលរដ្ឋ​ខ្មែរ​នឹង​អាច​ជិះ​រថភ្លើង​ទៅ​កាន់​ប្រទេស​ទាំង​នោះ​ទៀត​ផង​។

បច្ចុប្បន្ន​កម្ពុជា​កំពុង​ដំណើរ​ការ​គម្រោង​ថ្មី ​ដែល​ហៅ​ថា SKRL(Singapore Kunming Rail Link) ​​គឺ​​នឹង​មាន​ផ្លូវ​ដែក​ចេញ​ពី សិង្ហបុរី មក​កម្ពុជា ក្នុង​នោះ​ត្រូវ​ឆ្លង​កាត់​ប្រទេស​​ម៉ាឡេស៊ី ភ្ជាប់​ទៅ​កាន់​ប្រទេស​ថៃ បន្ទាប់​​មក​ទៀត​ នឹង​​ភ្ជាប់​មក​កាន់​កម្ពុជា ​ហើយ​បន្ត​​ភ្ជាប់​ទៅ​វៀតណាម ​និង​ភ្ជាប់​ទៅ​ប្រទេស​ចិន ហើយ​បច្ចុប្បន្ន​នេះ​វៀតណាម បាន​ភ្ជាប់​ទៅ​កាន់​ប្រទេស​ចិន​រួច​រាល់​​ហើយ។

​ចំពោះ​គម្រោង​តភ្ជាប់​ផ្លូវ​ដែក​ក្នុង​តំបន់​អាស៊ាន​នេះ ប្រទេស​​វៀតណាម​ត្រូវ​សាងសង់​ ​១៣០​គីឡូ​ម៉ែត្រ​ទៀត​។ ​ចំណែក​កម្ពុជា​ត្រូវ​សាងសង់​​ប្រវែង ២៥៧​គីឡូម៉ែត្រ​។ ​ប្រសិន​កម្ពុជា និង​វៀតណាម​

សាងសង់​រួច​រាល់​នោះ រទេះ​ភ្លើង​អាច​រត់​ទៅ​ដល់​គុនមីង​ នៃ​ប្រទេស​ចិន​តែ​ម្ដង​។ ​ ​ឥឡូវ​នេះ​នៅ​សល់​តែ​កម្ពុជា និង​វៀតណាម​ប៉ុណ្ណោះ ប្រសិន​បើ​ពីរ​ប្រទេស​នេះ ​ភ្ជាប់​គ្នា​បាន​​ នោះ​មាន​ន័យ​ថា​ផ្លូវ​ដែក​អាច​រត់​បាន​ចំនួន​២៧​ប្រទេស​ហើយ។ នេះ​បើ​តាម​ការ​បញ្ជាក់​ពី​ឯកឧត្ដម លី បូរិន អនុរដ្ឋលេខាធិការ​ក្រសួង​សាធារណការ និង​ដឹកជញ្ជូន។

២. ផ្លូវ​ល្បឿនលឿន​ពី​ភ្នំពេញ ទៅ​ខេត្ត​ព្រះសីហនុ

ផ្លូវ​ល្បឿន​លឿន​ពី​ភ្នំពេញ​ទៅ​ខេត្ត​ព្រះសីហនុ​ចំណាយ​ពេល​ត្រឹម ២ម៉ោង នឹង​ចាប់​ផ្ដើម​ដំណើរការ​សាង​សង់​នៅ​ចុង​ឆ្នាំ​ ២០១៧​នេះ​ហើយ​។ 

រូបតំណាង

គម្រោង​សាងសង់​ផ្លូវ​ល្បឿន​លឿន​ពី​រាជធានី​ភ្នំពេញ​ឆ្ពោះ​ទៅ​កាន់​ខេត្ត​ព្រះសីហនុ ដែល​មាន​ប្រវែង​១៩០​គីឡូម៉ែត្រ គ្រោង​នឹង​បើក​ការដ្ឋាន​សាងសង់​នៅ​មុន​បំណាច់​ឆ្នាំ២០១៧​នេះ នឹង​ត្រូវ​គ្រោង​វិនិយោគ​ទឹក​ប្រាក់​ជា​ច្រើន​ពាន់​លាន​ដុល្លារ​ ដោយ​ក្រុមហ៊ុន China Communications Construction Company ​របស់​ប្រទេស​ចិន​។

៣. ផ្លូវ​ល្បឿន​លឿន ពី​ភ្នំពេញ ទៅ​ព្រំដែន​ឡាវ

ផ្លូវ​ល្បឿន​លឿន​​ពី​ភ្នំពេញ​ទៅកាន់​ព្រំដែន​ឡាវ​​មាន​ប្រវែង​៥២២​គីឡូម៉ែត្រ​ដោយ​គ្រោង​នឹង​វិនិយោគ​ទឹកប្រាក់​ប្រមាណ​៥​ពាន់​លាន​ដុល្លារ​។ សម្រាប់​គម្រោង​ដំណាក់កាល​លើក​ទី​១ នឹង​​ចាប់​ផ្ដើម​នៅ​ដំណាច់​ឆ្នាំ២០១៧នេះ​​ហើយ។

នេះ​បើ​តាម​ការ​បញ្ជាក់​ពី​លោក ថ្លាំ​ង វុទ្ធី អគ្គនាយក​ក្រុមហ៊ុន Globalcam បាន​ថ្លែង​ ក្នុង​ពិធី​ចុះហត្ថលេខា​រវាង​ក្រុមហ៊ុន Globalcam និង​ក្រុមហ៊ុន Mahdi Holdings Investment ជា​ក្រុមហ៊ុន​វិនិយោគ​លើ​គម្រោង​នេះ​ផ្ទាល់។

៤. ផ្លូវ​ល្បឿន​លឿន​ពី​ភ្នំពេញ ទៅ​ក្រុង​បាវិត

ផ្លូវ​ល្បឿន​លឿន​ពី​ភ្នំពេញ​ទៅ​បាវិត ដែល​គ្រោង​នឹង​សាងសង់​ក្នុង​ពេល​ឆាប់ៗ​ខាង​មុខ​នេះ ត្រូវ​ចំណាយ​ថវិកា​ប្រមាណ ៣​ពាន់​លាន​ដុល្លារ​សហរដ្ឋ​អាមេរិក​។ ​នេះ​បើ​តាម​ការ​ឱ្យ​ដឹងពី​ ឯកឧត្ដម ស៊ុន ចាន់​ថុល ទេស​រដ្ឋ​មន្ត្រី​ រដ្ឋ​មន្ត្រី​ក្រសួង​សាធារណការ និង​ដឹក​ជញ្ជូន​ថ្លែង​នៅ​ក្នុង​ពិធី​ជំនួប​ទ្វេ​ភាគី​ជាមួយ​ទី​ភ្នាក់​ងារ​សហប្រតិបត្តិការ​អន្តរជាតិ​ជប៉ុន (JICA)។

៥. ផ្លូវ​រថភ្លើង​ពី​ភ្នំពេញ​ទៅ​ប្រលាន​យន្តហោះ​អន្តរជាតិ​ភ្នំពេញ

កម្ពុជា​នឹង​មាន​​រថភ្លើង​ដឹក​អ្នក​ដំណើរ​ពី​ស្ថានីយ​រថភ្លើង​ ក្នុង​រាជធានី​ភ្នំពេញ ឆ្ពោះ​មក​ព្រលាន​យន្តហោះ​អន្តរជាតិ​ភ្នំពេញ នៅ​អំឡុង​ខែ​មេសា ឆ្នាំ​ ២០១៨​។

រថភ្លើង​មួយ​ខ្សែ​នេះ គឺ​អាច​កាត់​បន្ថយ​ការ​កកស្ទះ​ក្នុង​រាជធានី​ភ្នំពេញ និង​ជួយ​សម្រួល​ដល់​អ្នក​ត្រូវ​ធ្វើ​ដំណើរ ​ទៅ​ព្រលាន​យន្តហោះ ​កុំ​ឱ្យ​មាន​ការ​យឺតយ៉ាវ​តទៅ​ទៀត។

៦. គម្រោង​បង្កើត​រថភ្លើង​ស្វ័យ​ប្រវត្តិ​លើ​អាកាស​ក្នុង​រាជធានី​ភ្នំពេញ​

រូបតំណាង

​ក្រោយ​ជប៉ុន​យល់​ព្រមជួយ​កម្ពុជា​សាងសង់​រថភ្លើង​ល្បឿន​លឿន​លើអាកាស​តម្លៃ​ ​៨០០លាន​ដុល្លារ​ កាល​ពីខែ​សីហា​កន្លង​ទៅ​ ​តាម​ប្រភព​ពត៌មាន​ពីក្រសួង​សាធារណ​ការ​ ​តាមរយៈ​ឯកឧត្តម​ ស៊ុន ​ចាន់ថុល​ ដែល​បានទៅ​ទស្សនកិច្ច​នៅ​ប្រទេស​ជប៉ុន​កាលពីថ្មី​ៗនេះ​ ​បាន​បញ្ចេញ​ដំណឹង​បន្ថែម​ថា​ ​តាមការ​គ្រោងទុក​ កម្ពុជាគួរតែមានប្រព័ន្ធAGT ដែល​អាច​ដំណើរការ​បានមុន​ខ្លួនធ្វើជា​ម្ចាស់ផ្ទះកីឡា​ស៊ីហ្គេម​នៅឆ្នាំ​២០២៣​ខាងមុខ​។ ​

៧. ចំណត​នាវា​ខ្នាត​យក្ស

​លោក​នាយករដ្ឋ​មន្ត្រី​ជប៉ុន​ Shinzo Abe ​បាន​សម្រេច​ផ្ដល់​កម្ចី​ឥណទាន​សម្បទាន​ប្រមាណ ​២០៩​ លាន​ដុល្លារ​ដល់​កម្ពុជា​ សម្រាប់​អនុវត្ត​គម្រោង​អភិវឌ្ឍន៍​ចំណត​ផែ​កុងតឺន័រ​ថ្មី​របស់​កំពង់​ផែស្វយ័ត​ក្រុង​ព្រះសីហនុ​ ​ក្នុង​ថ្ងៃ​ដែល​សម្ដេច​ ហ៊ុន សែន ​នាយករដ្ឋ​មន្ត្រី​ ទៅ​ទស្សន​កិច្ច​នៅ​ប្រទេស​ជប៉ុន​។

កំពង់ផែ​ថ្មី​នេះ​ ដែល​មាន​ប្រវែង​ ​៣៥០ម៉ែត្រ​ និង​ជម្រៅ​ ​១៤​ម៉ែត្រ​កន្លះ​។ ​ ​កំពង់​ផែដ៏​ធំ​មួយ​នេះ​ ​នឹង​អាច​ទទួល​នាវា​ខ្នាត​យក្ស​ ​នៅ​លើ​ពិភព​លោក​ ​ចូល​ចត​បាន​រហូត​ដល់​ទៅ​ ៩៣ភាគរយ ខណៈ​កំពង់​ផែ​បច្ចុប្បន្ន​ ទទួល​បាន​តែ ​២០​ភាគ​រយ​ប៉ុណ្ណោះ​។

៨. ស្ពាន​ឆ្លង​ទន្លេសាប​ថ្មី

សាលារាជធានី​ភ្នំពេញ​មាន​គម្រោងសាងសង់ស្ពានឆ្លងកាត់ទន្លេសាប ក្នុងភូមិ​សាស្រ្ត​​ខ័ណ្ឌឫស្សីកែវ រាជធានី​ភ្នំពេញ​ ​​ទៅកាន់​តំបន់ អភិវឌ្ឍជ្រោយ​ចង្វារ ​មាន​ប្រវែង​​ជិត​១​គីឡូ​ម៉ែត្រ​ និង​ទទឹងស្ពាន​ជាង ១០​ ម៉ែត្រ​ ​កាត់​ទន្លេសាប​​ម្តុំឃ្លាំង​​សាំង​ក្រុម​ហ៊ុន​​សូគីមិច​គីឡូម៉ែត្រ​លេខ៦។ 

៩.  ស្ពាន​អាកាស​ និង​ផ្លូវ​ក្រោម​ដី​ចោមចៅ

មន្ទីរ​សាធារណការ និង​ដឹក​ជញ្ជូន បាន​បង្ហាញ​ប្លង់​ពង្រាង​ថ្មី​​ស្ពាន​អាកាស និង​ផ្លូវ​ក្រោម​ដី​ចោមចៅ ដែល​អាច​នឹង​ចាប់​ផ្ដើម​សាងសង់​នៅ​ចុង​ឆ្នាំ​២០១៧។

ប្លង់ស្ពាន​អាកាស​ និង​ផ្លូវ​ក្រោម​ដី​ចោមចៅ

រង្វង់​មូល​ចោមចៅ ចន្លោះ​ផ្លូវ​ជាតិ​លេខ៤ និង​លេខ​៣ តែង​ជួប​បញ្ហា​កកស្ទះ​ជា​ប្រចាំ និង​ធ្វើ​ឱ្យ​មាន​ការ​រំខាន​ជា​ខ្លាំង​ដល់​ការ​ធ្វើ​ដំណើរ។ ដូច្នេះ​នៅ​ពេល​ស្ពាន​អាកាស​និង​ផ្លូវ​ក្រោម​ដី​នេះ សាងសង់​រួច​រាល់​ ប្រជាពលរដ្ឋ​នឹង​លែង​លំបាក​ទៀត​ហើយ។

១០. គម្រោង​សាងសង់​ស្ពានអាកាស​ថ្មើរជើង​នៅ​រង្វង់​មូល​នាង​គង្ហីង

គម្រោង​ស្ពាន​អាកាស​ថ្មើរ​ជើង​ថ្មី​នេះ ត្រូវ​បាន​មន្ទីរ​សាធារណការ​សហការ​ជាមួយ​ក្រុមហ៊ុន OCIC ដើម្បី​សម្រួល​ដល់​ការ​ធ្វើ​ដំណើរ​ថ្មើរ​ជើង​ឆ្លង​កាត់​ស្តុប មិន​ប៉ះពាល់​ចរាចរ និង​ធានា​សុវត្ថិភាព​ជូន​បង​ប្អូន​ប្រជាពលរដ្ឋ។ បច្ចុប្បន្ន​នេះ​ប្លង់​ស្ពាន​អាកាស​ថ្មើរ​ជើង​នេះ បាន​ចេញ​ជា​រូបរាង​ 3D​ហើយ នឹង​បង្ហាញ​ខ្លួន​ជា​ផ្លូវ​ការ​នៅ​ខាង​ជើង​ពហុកីឡដ្ឋាន​ជាតិ​អូឡាំពិក ឆាប់​ៗ​ខាង​មុខ​នេះ៕

អានពេញ